Monday, 6 January 2020

SANJA'NA A. RAHEM UMAR (RADAR MADURA, 29 DESEMBER 2019)

0
Sumber: g/ inspiring.id

POJI SE TA’ COKOP

Ya Rasulallah,
Ya Nabi salam ’alaika

Abdina acabis dha’ Ajunan
menangka pangesto se ta’ kabilang

Ajunan makhlok paleng samporna
e dunnya abakta manfaat
e akherat apareng syafaat
lampana masalamet sadaja ummat

Dhu, Guste
tera’ onggu salerana
akadi bulan pornama
materbas sampe’ ka ate

Ce’ terrona se apolonga, Dhu Guste
sanajjan e dhalem mempe
pekker posang ta’ re-mare
dha’ ka’dhimma badhi esare

Abdina kerrong ka ajunan, Dhu Guste
abdina coma mereng dhari keyae

05/11/2019

A. Rahem Umar, lulusan STKIP PGRI Sumenep. Samangken daddi wartawan.
Author Image
Aboutarsippenyairmadura.com

Soratemplates is a blogger resources site is a provider of high quality blogger template with premium looking layout and robust design

No comments:

Post a comment