 |
| Sumber gambar: g/ lukisanku.id |
SALA ATENGKA’
Kalaban are se ampon arangka’
mekkere ate se ampon tabarangka’
lantaran aba’ se ban-saromban atengka’
astaghfirullah
robbal baroya
astaghfirullah
minal khotoya,
robbi zidni
‘ilmannafi’a
wawaffiqni
‘amalan maqbula
Dhu Guste Se Maha Tenggi
abdina nyo’on sapora’agi
ate se petteng patera’agi
sopaja jalan asareng ridana ilahi
Battangan, 2017
NGAMPET RASSA
Tadha’ oca’ kaoca’
taresna socce asempen dhalem porca’
Battangan, 2017
SELLO’ SOCA
MARDHA
-Nabalah
An-Nabila
Saamponna taresna abadhi macemma barna
sakobengnga rassa talempet dhalem nespa
akompol dhalem sello’ soca mardha
se ampon morak kataresna’an dhalem dhadha.
Sajjana, aba’ maso’ dha’ settong careta
terro asapo’a kabunga’an asareng ate se mardika
nangeng pangaterro ta’ saropa
sareng paparengnga se kobasa,
kabunga’an se earep, kasossaan sajan rapet.
La…
badha dhimma dika?
ma’ gun adina sello’ soca mardha
se agandhu’ careta ce’ ngennessa
agabay sanja’ madurana bula ta’ pole asoca.
Battangan, 2017
YADAN NABILA
GAPPORA
Aroba pornama
mesemma ce’ tajemma
asapo’ macemma barna
macaltong ate se ce’ dhalemma.
Lencak Socce,
2017
EBU
Bula ampon towa
baktona mabali kalakowanna dika
se lako apello koneng sanaleka
kacathet dhalem settong tareka.
Ebu…
bula edinto sabban malem lako ngolok dika
lebat sanja’,
lebat paparegan
manyettong kerrong dhalem pangarebban.
Battangan, 2017
Khalil Satta Èlman, nama pena dari Khalilullah lahir di Pulau Poterran,
Sumenep, Madura, 7 Mei 2003. Menulis puisi dalam dwibahasa, Indonesia dan
Madura. Puisi Bahasa Madura-nya sering dimuat di Radar Madura dan Majalah
Jokotolè (Balai Bahasa Jawa Timur), sedangkan puisi Bahasa Indonesinya
terangkum dalam antologi bersama a.l.; Jazirah; Jejak Hang Tuah dalam Puisi
(Festival Sastra Internasional Gunung Bintan 2018),Jazirah 2; Segara Sakti
(Festival Sastra Internasional Gunung Bintan, 2019), Perihalnya Matinya Si
Pemuda(Oase Publishing 2019),Gus Punk; Puisi untuk Gus Dur (Pelataran Sastra
Kaliwungu Kendal 2018), Meminang Putri Dewa (Tidar Media 2018), Rasa dalam
Karya (Sahabat Literasi Kita, 2018), Kangen (Rex Publishing, 2019), Negeri
Sawit (Malam Puisi Rantauprapat, 2019), dll. Saat ini masih nyantri di PP.
Al-Ghufron (Battangan) dan masih tercatat sebagai siswa kelas XI prodi IPS/2 di
MA Nasyatul Mutaallimin (1) Gapura Timur, Gapura Sumenep, Madura. Aktif di
Komunitas Asap dan Sanggar Biru Laut. Email :khalil.zafra@gmail.com.
Tidak ada komentar:
Posting Komentar