Wednesday, 30 October 2019

Sanja'na Eko Benny Widarman e Radar Madura, 10 Februari 2019

0
Sumber: g/ saatchiart.com


KERRONGA ATE
:dha’ Jeng Kyae

Kyae, minangka ate abunggem
sokma aeng mata nyapcap ka dhadha
lomampa mella meddem kaator seyang malem
pamator lebat dhalem rassa birassa

Kyae, kerrong abdina lebat songkem
paparegan dhalem partengkan nyosop
akadhi omba’ se akebba’
loka ta’ akeddep namong kaabas alebet
ngadhep agellu’ bakto toju’
langkong daddi pos-apos dua’ katompang pamit

Kyae, pamator janji ka esto
abdina ngadhep a sojud tor awujud
dhalem mempe angrasa odhi’
nalektegi hajat pangraksa bakto apolong
tor akompol daddi settong

Pasongsongan, 28/07/2016

SOROP ARE

Mera bara’ akadi damara ate
maelang sokma manjeng e penggir sereng
parao alajar noro’ arongan sapangabasan
saballunna seyang taleppet dhalem dhadha
mongging dhaja omba’na ngajebbur
kengeng angenna akebba’ dhari bara’
mongging lao’ ghuntor saleng magarudhu’
keddhap kelap dhari temor talebat rebbang
nyalengsang tor maposang pangarebban
tape, bila karep ta’ kera aokep
bila kadhung asandhakep paggun tarekkep
mompong langnge’ gi’ ta’ petteng
mompong pekker gi’ ta’ celleng
mompong mata gi’ ta’ rabeng

Pasongsongan, 10/01/2019


doc/ arsippenyairmadura.com
EKO BENNY WIDARMAN, lahir di Sumenep, 30 Nopember 1989. Alumnus Universitas Nusantara PGRI Kediri. Kini mengajar di SDN I Pasongsongan. Pernah menjuarai Lomba Cipta Puisi Se-Madura Tahun  2010, penata tari terbaik dalam Pekan Seni Pelajar pada Lomba Tari Kreasi Tingkat Propinsi Jawa Timur Tahun 2012. Semasa kuliah pernah bergabung dengan Sanggar Lentera STKIP PGRI Sumenep dari tahun 2008-2011. Sekarang bergiat di Komunitas Lubuk Laut, Pasongsongan dan pernah menjadi tim penulis buku referensi Mata Pelajaran Seni Budaya dan Keterampilan Pada Kurikulum 2014 (LPMP Jawa Timur).

Author Image
Aboutarsippenyairmadura.com

Soratemplates is a blogger resources site is a provider of high quality blogger template with premium looking layout and robust design

No comments:

Post a comment