Header Ads

Puisi-Puisi Sugik Muhammad Sahar di Radar Madura 20 November 2016



Lukisan karya BH. Riyanto.
RONGGOSUKOWATI

Ampon kalonta è Taon 1530
Ngombâr, majhembhâr nèng 03 Nopèmber
Iman, Islam, Ihsan
Majungè bhumè Mekkasân
Rato kasebbhut monḍhut
Ollè bherkat sè atarèka

Sa’ampona nèmor sè talèbât kara
Èsambhât ma’morra kottha
Bhâbbhâr  un-ḍâunan
Langngè’ nyapcap mongkar tegghâlân
Kèrana, kamardhika’an coma wasiat pamarènta’an

Kolpajung pasarèanèpon
Nyoprè patètè ngastètè
Ngèmodhi kaoḍi’ân sè jhârna’
Bârinto
 
Mekkasân 2016


BHERKAT KAKABIN

Kèrana anḍâun sèrè, pènang
Ma’ancorra atè bulâ sè kabâ’ sampayan?

Nang nèng nong
Nang nèng nong
Slèndro nanḍhai tembhâng kasmaran
Paparèghân Nètè Kalènang
Ḍâgghi’ malam Mahwâni bhâkal ngèjhung polè
Du’a’ sè kobâsa araksa dhisa
Langngè’ sè sokla soḍḍhi nambhâ’ aèng mata

Lian,
Bârinto rassana bilâ atè nyanḍhâng tarèsna:
                                    Aḍuh aḍuh bânnè kaka’ bânnè alè’
                                    Bânnè sana’ kaḍhâng mon matè terro nangèsè
                                    Marghâ mèlo kaèlangan

Bhâlâ tatangghâ mokka’ rakara
Ngarèna mèlè arè sè mora
Bulân Rasol tangghâl mèra
Tojjhuwân sèttong: bherkat saomorra

                                    Tan-mantan lakè’ binè’
                                    Bilâ jhuḍu pagghun nalpè’
                                    Tan-mantan lakè’ binè’
                                    Bilâ bherkat pagghun beccè’                         
Lian,
Kèrana okara kasebbhut bhâbbhâr  è konèng jhânor
Ngalocor naḍâi malatè sato’or
Sokkor bulâ ḍâ’ arè sè tapongkor

Mekkasân 2016


Sugik Muhammad Sahar, lahir di Pamekasan, 30 Mei 1985 tepatnya di Desa Polagan, Kecamatan Galis, Pamekasan. Alumnus Studi Pendidikan Sastra Indonesia Universitas Madura Pamekasan ini menulis puisi menggunakan bahasa Indonesia dan Madura. Beberapa karyanya dipublikasikan di Radar Madura, Mimbar Pendidikan Agama Islam dan lainnya. Antologi  2016  bersama penyair lain: Pasie Karam (pekan kebudayaan aceh barat 2016). Sajak  Sang Penyair 2016  (Anugerah Penerbit Mayor) dan lain-lain. E-mail: sugikmuhammadsahar@gmail.com


Powered by Blogger.